गजल

आगो जस्तै बलौं कि त, भित्र भित्रै जलौं कि त। देखावटी नाता जोडी, दुनियालाई छलौं कि त। अंगालोमा बेरीएर, यतै कतै ढलौं कि त। बिर्सिएर सबैथोक, हातै हाली चलौं कि त। आगो जस्तै बलौं कि त, भित्र भित्रै जलौं कि त। (बुढानिलकण्ठ। काठमाडौँ)

सक्यो बेटारी

पाली माथी सिउरेको रेडियो, मनको बह कही दिने यै थियो, सक्यो बेटारी, न पैसो किन्नलाई, बजाउँ के गरी! * पियारीलाई संझिएर मेरो छाती पोल्दा, मन बुझाउने गीत गाउँथ्यो साँझपख खोल्दा सक्यो बेटारी, राखौँ की पालीमै, फाल्दिम थेचारी॥ * बिहे बर्तुन जाँदा होस की भित्र्याउँदा वाली, यसकै गीतमा नाच्थे सबै बजाउँदै ताली, सक्यो बेटारी, भन्देऊ न Read more about सक्यो बेटारी[…]

चमेली फूलेपछि

चमेली फूलेपछि- थुम्कामा चढेर पहाड उक्लेर टौवामा चढेर धुरीमा अडेर पँधेरो धाएर भजन गाएर खेताला खोजेर नौटंकी गरेर म फूलेँ, म फूलेँ म फूलेँ, म फूलेँ भन्दै बुर्कुसी मार्छ र? चमेलीको सुन्गन्ध नै काफी छ! यसकारण चमेली सबको जाती छ!! (४ मंसिर २०७५)

बाघ र बिरालो

बिरालोलाईः बाघ भनेर बेच्ने- ब्यापारी! बाघ भनेर तर्साउने- सरकार! मुसा मार्न लगाएर मासु खाने- नेता! मुसा खेलाएर लुट्ने- कर्मचारी! (११ मंसिर २०७५। बुढानिलकण्ठ)

अंश

ज्वाईँले के के न पठाए भनेर ससुराबाले लिफा खोलेर हेरे। भदौ १ गतेदेखि लागू भएको मुलुकी देवानी संहिता ऐन परिच्छेद १० को अंशवण्डा सम्बन्धी व्यवस्थाको दफा २०५ को फोटो कपी रहेछ। (१९ भाद्र २०७५। बुढानिलकण्ठ)

न शिखा न कन्दनी

एउटा घर थियो, बाटो बिस्तारको निहुँमा आधी लडाए, बचेखुचेको छाप्रो थियो, त्यसैको पनि अहिले कर बढाए, नभनम मनमा पिर छ, भनम लाज लाग्छ नि भन्ननी, सरकार पाल्दा गरीब भैयो, रह्यो न शिखा न कन्दनी! (२८ साउन २०७५। बुढानिलकण्ठ)

तीजको दर

पैले बुहारी मात्र माईत जान्थीन, आजकल छोरो पनि ससुराली जान्छ। ## चोली मखमली साडी फाईबर, छोरी मैतालु, ज्वाईँ ड्राईभर॥ (२० साउन२०७५। बुढानिलकण्ठ)

तीजको दर

उ बेला त दर खान नि राती उठ्थे, घ्यूमा पकाउँथे, दुधले चुठ्थे! आजकल त दिउँसो पार्टी प्यालेसमा, साँझ होटलमा माछा र मासु थालभरी रौसी बोतलमा महिलासंगै पुरुष आउँछ, रौसीमै झुम्छ, आफ्नी श्रीमती कता गईन् था छैन, अर्काकी श्रीमती चुम्छ! (१९ साउन २०७५। बुढानिलकण्ठ)

यो सहर

चोरको हातमा चापी छ धर्म मर्‍यो छल, कपट बाँकी छ भै गो, बास अन्तै सार माईला! यो सहर बेईमानका लागी काफी छ, तर, इमानका लागि पापी छ। (१३ साउन २०७५। बुढानिलकण्ठ)

गजल

घर-बुनाको धोती चोलो लाउली पियारी । रुखो पीठो जस्तो पाक्छ खाउली पियारी ॥ सुख सयल सधैँ भरि दिन नसकौँला । मेरो भन्नु चोखो माया पाउली पियारी ॥ लेखिदिउँला मीठा गीत बजाउँला बाजा । कोईली झैँ मीठो स्वरमा गाउली पियारी ॥ आधि भित्तो रातो माटो आधी कमेरोले । मेरो घर लिप्न कैले आउली पियारी ॥ #बुढानिलकण्ठ#